A caridade é humilhante porque se exercita verticalmente, desde a cima; a solidariedade é horizontal e implica respeito mútuo.
— Eduardo Galeano

sábado, 23 de agosto de 2014

De Galiza para Escocia: un si ao referendo pola independencia do 18 setembro!

O 22 de agosto, conxuntamente coa Solidarity with Scotland International Campaign, desde Mar de Lumes organizamos unha nova acción simbólica e colectiva de apoio ao proceso escocés de independencia, que se concretará o vindeiro 18 de setembro cun referendo vinculante pactado entre os representantes da opción indepedentista e os unionistas británicos. Desta vez foi en Pontevedra, onde realizamos unha fotografía colectiva e outras varias que se somarán ao fluxo interminábel de apoios internacionais que Escocia está a receber nestes últimos meses.

Pilar Fernández, coordenadora da campaña internacional, realizou unha pequena intervención explicando a necesidade de que os povos poidan decidir o que queren facer de sí mesmos, dunha óptica autocentrada, cos intereses populares como principio elementar, e portanto lonxe do control alleo. Tamén interveu James Douglas Naismith, representante dos escoceses e as escocesas na diáspora — que non teñen permitido votar no referendo — que agradeceu os apoios chegados de todas as partes do planeta, entre eles os galegos, expresando o desexo de que no futuro Galiza viva un proceso semellante.